आज चंद्र विझणार
याचं केवढं अप्रूप केवढा उत्साह
फाटक्या संसाराची फाटकी लक्तरं वेशीवर टांगून
नसणाऱ्या श्रद्धेचा बाजार मांडून
उदास खिन्न रात्रीला.. विझल्या उजेडाच्या
पिकल्या अंधाराचे भांडवल करून
पोटाची खळ बुजवायला मिळणं
हे क्वचित घडतं...कधीतरी ...
तसेही
श्रद्धा-अंधश्रद्धेची..पुण्य-पापाची, देवा-राक्षसाच्या भीतीची
उतरण मिळवून काहिवेळच्या पोटापाण्याची आग विझणार असेल
तर ...
विझता चंद्र-सूर्य येऊ देत दर महिन्याला
कोणाचं काय बरं अडतंय ??

"दे दान तर सुटे ग्रान !!"

रश्मी पदवाड मदनकर
19 jun 18