कुणीतरी लिहीत असतं..
मन रितं करायला, मोकळं व्हायला..कल्पकता म्हणून . आवड म्हणून..कलाकृती साकारायला वगैरे वगैरे
असा तो/ती लिहीत असते
स्पष्ट किंवा पुसटसं.. पारदर्शक किंवा गूढ असं..
उत्सुकता शमवणारं किंवा प्रचंड वाढवणारं..
लिहिणारा लिहीत जातो आतलं आतलं खंदून काढत जातो
वाचकाच्या मनात ते भरत राहतं .. आत आत खोलात शिरत राहतं
हा लिहून मोकळा.. तो वाचून गंभीर, स्तब्ध, भावुक वगैरे
म्हणजे काय, पैसे खर्च करून एखाद्या चांगल्या लेखकाचे पुस्तक घ्यायचे आणि आपण आपले बसायचे खिसा मोकळा आणि कंठ भरून घेऊन .. भावुक बिऊक होऊन

हे चांगले लेखक बिखक ना वाइट असतात फार ...