काय कळाले कळले नाही, असेच झाले जगणे
नजरी काही भिडले नाही असेच झाले बघणे !

डोहमनाच्या खोलीचा मज थांगच कळला नाही
उथळ मोहाच्या खेळामधे असेच झाले फसणे !

गणगोतास देऊन अंतर,जगलो वेड्यावानी
चरणस्पर्श मज घडले नाही उगाच झाले तगणे !

चांगल्या  वाईटामधला, भेद आकळला नाही
पस्ताव्याचे अश्रू ढाळत उगाच झाले रडणे !

सोबतीची बातच सोडा , कुणीच थांबले नाही
प्रताडणेची भोगून पिडा, असेच झाले खचणे !

रश्मी मदनकर.
12 डीसे. 18