माझा वेल्हाळ पाऊस
असा येतो बरसतो
जणू अंगांगात साऱ्या
नवे चैतन्य पेरतो
माझा वेल्हाळ पाऊस
घर अंगण भिजवी
खोल मातीत शिरून
नवे अंकुर फुलवी
माझा वेल्हाळ पाऊस
त्याची बातच वेगळी
त्याच्या फक्त स्पर्शामुळे
फुलारते चाफेकळी
माझा वेल्हाळ पाऊस
नदी होऊन वाहतो
तिच्या अंगाखांद्यावर
खुणा पेरून धावतो
माझा वेल्हाळ पाऊस
पाझरतो आत आत
जणू रुजवून काही
पुन्हा उगवे कणात..
माझा वेल्हाळ पाऊस
करे धरतीशी माया
रस रूप गंध सारे
आला उधळून द्याया..
माझा वेल्हाळ पाऊस
उतरतो खोल खोल
गात्रागात्रातून वाहे
त्याच्या अस्तित्वाची ओल.
असा येतो बरसतो
जणू अंगांगात साऱ्या
नवे चैतन्य पेरतो
माझा वेल्हाळ पाऊस
घर अंगण भिजवी
खोल मातीत शिरून
नवे अंकुर फुलवी
माझा वेल्हाळ पाऊस
त्याची बातच वेगळी
त्याच्या फक्त स्पर्शामुळे
फुलारते चाफेकळी
माझा वेल्हाळ पाऊस
नदी होऊन वाहतो
तिच्या अंगाखांद्यावर
खुणा पेरून धावतो
माझा वेल्हाळ पाऊस
पाझरतो आत आत
जणू रुजवून काही
पुन्हा उगवे कणात..
माझा वेल्हाळ पाऊस
करे धरतीशी माया
रस रूप गंध सारे
आला उधळून द्याया..
माझा वेल्हाळ पाऊस
उतरतो खोल खोल
गात्रागात्रातून वाहे
त्याच्या अस्तित्वाची ओल.
No comments:
Post a Comment