शब्द

शब्द सुचत नाहीत सुचावे तेव्हा

अन पंक्तीतही बसत नाही बसवावे तेव्हा 

मनमानी करून घेतात 

वाटेल तिथे जाउन येतात 

हळूच जागल्या रात्री मग 

उशाशी येउन विसावतात   

शब्द येत  नाहीत बोलवावे तेव्हा 

स्वरातही खुलत नाही खुलवावे तेव्हा
भावूक होऊन हिरमुसतात
मुसमुसतात धुस्फुसतात
हळूच ओल्या रात्री मग
कंठाशी येउन गुणगुणतात

शब्द शब्दाला जागतातही
शहाण्यासारखे वागतातही
शब्दांचा तोरा बदलला तर मग
मौनात  जाऊन बसतातही

शब्दांचे ऐकावे, शब्दांना सांगावे
शब्दांचे चित्र शब्दांनीच रंगावे
शब्दांशी भांडावे, शब्दांनीच मनवावे
शब्द शब्द गोंजारून
कवितेत मांडावे ....


रश्मी मदनकर
११/१२/२०१६