एरवी टीव्ही पाहायला अजिबात वेळ नसतो .. सलग एखादी सिरीज पाहील्याचं आठवतं
ते एपीक चानलवर ठाकुरजींच्या कथांवर अनुराग बासूनं दिग्दर्शित केलेली
संपुर्ण सिरीज झपाटून गेल्यासारखी पाहीली होती दोन वर्षांपूर्वी...
त्यानंतर दोनचार चुटूक पुटूक चित्रपट सोडले तर टीव्ही पाहणं फारसं शक्य होत
नाही. पण अलिकडे मस्त सरप्राईज मिळालं काही दिवसाआधी नवरयानं तुझ्यासाठी
छान काहीतरी सुरू झालंय बघ सांगत एक चानल सबस्क्राईब करून दिलं...
टाटास्कायवर काही दिवसांपासून 'टाटास्काय थीएटर' हे स्पेशल पेड चानल सुरू
झालंय. देशातल्या सर्व प्रांतात सर्व भाषेत गाजलेली नाटकं ते अत्यंत कसदार
कलावंतांनी अभिनय केलेल्या नाटकांच्या खास फिल्मस बनवून थीएटर रूपात हिंदी
भाषेत आपल्यासाठी सादर करीत आहेत.. यात वैचारीक नाटक आहेत, संस्पेन्स,
थ्रीलर, मर्डर मिस्ट्री, चाईल्ड अब्युज, मनोरंजन, विनोदी असे सगळेच प्रकार
आहेत विशेष म्हणजे ड्रामा मेकींगच्या त्याच्या कंसेप्टबद्दल अभिनय करताना
आलेला अनुभव, पात्रांची वैशिष्ट्ये, परदे के पिछे का ड्रामा यावर मधून मधून
चर्चा होते.. दिवसाला एकतरी नाटक यावर पाहायचं असं ठरवलं होतं पण वेड
लागलंय चक्क..सुट्टी मिळाली की झपाटून गेल्यासारखी थीएटरला चिकटून बसते ...
पारायणं चालली आहेत. खुप शिकायला मिळतंय.
आतापर्यंत पाहीलेली नाटकं
1. सच कहूँ तो
2. डाॅल हाऊस
3. अग्नीपंख
4. जाना था रोशनपुरा
5. Wrong turn
6. डबल गेम
7. नाईट राईडर
दर आठवड्याला नविन नाटक सामील होतात आता येतंय हमिदाबाई की कोठी आणि मा रीटायर होती है आणि पीया बेहरूपीया.
